ओल्या जखमा ....

ओल्या जखमा ......
कसा होऊन राहिलो आहे मी
एकदम विरक्त
जगायचे म्हणून जगतोय
दिवस काढायचे म्हणून काढतोय

एक एक करून जमा केलेल्या तुझ्या आठवणी
कुठे गेल्या कळत नाही
शोधल्या मनात किती
तरी त्या मिळत नाही

कसले धुके जमले आहे डोळ्यासमोर
की आता तू ही दिसत नाहीस
काल मित्र ही म्हणत होता की
का रे तू आता पहिल्यासारखा एकट्यात जाऊन बसत नाहीस

लगेच उठलो
काढले ते जुने सन्दुक
सापडले ते अडीच फोटो
२ पूर्ण १ आपल्या भांडणात अर्धा फाटलेला
आणि ते गुलाबी एकुलते एक पत्र
डोळ्यासमोर धरून डोळे मिटले
एक एक अक्षर झरझर डोळ्यासमोरून गेली
आणि तुझ्यासोबत जगलेला तो प्रत्येक क्षण पण ..
परत भरत आलेल्या जखमाच्या खपल्या निघाल्या
परत त्या ओल्या जखमा भळभळ वाहू लागल्या
परत तोच तुझा भास, तोच दरवळ
आता कसे बरे वाटत आहे ....