बापाचं प्रेम

बापाचं प्रेम
आई बद्दल सगळेच बोलत राहतात
पण बापाबद्दल कोणी बोलत नाही
जणू त्या बापाला सगळेच गृहीत धरतात
त्याची जाणीव हि कोणाला होत नाही

आईचं प्रेम चांदण्या प्रमाणं असतं
आयुष्याच्या नभाला मोहक बनवतं
बापाचं प्रेम त्या ढगा प्रमाणं असतं
रणरणत्या उन्हात नकळत सावली देतं

मुलीच्या लग्नात आई रडत असते
बाप रडत नाही म्हणून तो कठोर नसतो
त्याला हि तो क्षण वेदना देतो
पण त्याचं ते प्रेम अबोल असतं
आतल्या आतंच तो सोसत असतो
भावना न व्यक्त करणं जणू त्याचं कर्तव्यच असतं

बापाचं प्रेम मेणबत्त्या प्रमाणे असतं
दुसर्याला प्रकाश देतं पण स्वतः मात्र जळत असतं
त्याच्या त्या प्रकाशात सगळेच न्हाहून जातात
पण त्याच्या अस्तित्वाबद्दल कोणीच बोलत नाही
आईच्या प्रेमाला कसलीच तोड नाही
पण बापाची जाणीव कोणालाच का होत नाही ??